Teofilovic dáse a coñecer no derbi do Miño cun dobrete (2-1)

Ognjen Teofilovic pasara desapercibido ata esta xornada. Apenas 28 minutos espallados en catro partido para o dianteiro serbio de só 19 anos. Contra o Lugo entrou no minuto 70 no lugar de Txus Alba. E marcou un dobrete no 74 e no 81. Unha achega estelar que decidiu o derbi do Miño diante do Ourense Club de Fútbol. O cadro ourensán recurtou diferenzas xa no engadido cun gol de Nacho Castillo. Foi un enfrontamento no que o Ourense dominou no primeiro tempo e gozou de mellores ocasións. O Lugo reaccionou no segundo pero sen ter moito perigo ata a entrada de Teofilovic.