Susto en Vigo ao caer un muro sobre unha estrada, que quedou cortada ao tráfico

Os veciños da Subida da Costa, no barrio vigués de Castrelos, espertaron hoxe cun forte estrondo, polo derrubamento dun muro a primeira hora da mañá.

Sucedeu nunha zona de vivendas. Por sorte, non quedou ninguén ferido, aínda que o condutor dun coche salvouse in extremis. O desprendemento de terra e pedras si que obrigou a cortar o tráfico na rúa.

A forte chuvia caída nas últimas horas poder estar detrás do derrubamento. Con todo, os veciños aseguran que levan tempo alertando do estado de abandono na zona.