Sufocan os últimos rescoldos do incendio no Porriño

Restan dous días de traballo para aplacar os últimos rescoldos do virulento lume que arrasou esta empresa de distribución de  maquinaria do Porriño. O lume estendeuse axiña pola presenza de aceites, máis de 5.000 metros de mangueira, e pola acción do vento do norte.

Malia a rápida actuación dos bombeiros e a activación do Plan Territorial de Emerxencias no nivel un, os propietarios da nave botaron en falta unha toma de auga nas proximidades, algo que favorecería a extinción.

Na extinción participaron tamén os bombeiros de Vigo, O Morrazo, Ribadumia, os GES  de Ponteareas e Mos ademais de medios da propia Axencia Galega de Emerxencias. Non houbo danos persoais.