Simón Lamas "Se hai un mes nos din que ascenderiamos, non o creriamos"

Tras vencer a domicilio nos tres encontros de volta das tres eliminatorias que tivo que disputar, o Rácing Vilalbés acadou o fito histórico de ascender a unha categoría nacional. O seu técnico amosou a súa satisfacción na Radio Galega.

"Se hai un mes nolo din, non o creriamos. Hoxe sufrimos nalgúns momentos do partido, pero este equipo sabe facelo, sabe ser moi competitivo. En toda a segunda volta non gañamos fóra e mira ti nos playoffs. Non somos conscientes do que supón isto para Vilalba, poder xogar na 2ª RFEF. Hai rapaces da vila, eu tamén, se cadra foi tamén un plus para poder conseguir este fito".