Sergio Carreira "prolonga o seu soño" tras renovar co Celta
Carreira: "É unha tempada para gozar, isto non é habitual vivilo"
Primeiras declaracións de Sergio Carreira tras renovar co Celta ata 2029.
"É unha tempada para gozar, isto non é habitual vivilo".
Tamén valorou o feito de xogar na Liga Europa
"Incrible, porque vivín a Europa League que se xogou aquí como canteirán. Poder estar na mesma situación é satisfactorio".
O defensa pronunciouse antes a través das redes sociais unha vez concretada a súa renovación co club vigués por catro tempadas, ata o 2029.
O futbolista expresa que con esta ampliación do seu vínculo co club de formación "prolóngase un soño". O carrileiro vigués di sentirse "moi feliz de poder seguir no club" que o "viu crecer" e aproveita para mostrar a súa gratitude pola reacción da afección.
