O Celta ficha ao internacional uruguaio Sebastián Cáceres ata o 2030
Chega procedente do América de México e a operación está cifrada en torno aos cinco millóns de euros
Claudio Giráldez acada con esta contratación o ansiado defensar para completar o cadro de xogadores
@rccelta
O Celta informou este luns de que chegou a un acordo co Club América de México para o traspaso do internacional uruguaio Sebastián Cáceres, que se converte en novo xogador celeste ata xuño de 2030, a expensas do recoñecemento médico. O central uruguaio chega a Vigo tras seis tempadas e media no conxunto azulcrema, onde superou os douscentos partidos oficiais e conquistou tres Ligas MX consecutivas, un Campión de Campións e a Campións Cup.
Formado no Liverpool de Montevideo, debutou como profesional en 2017 e deu o salto ao fútbol mexicano en xaneiro de 2020. Internacional absoluto con Uruguai desde 2022, disputou a Copa América de 2024 e formou parte da selección uruguaia no Mundial de 2026. Cáceres é o sexto reforzo estival do conxunto celeste tras Aleix Febas, Javi Galán, Abdoulaye Faye, Couhaib Driouech e o porteiro turco Altay Bayındır
