Sanidade engade cinco comunidades ao rexistro obrigatorio de viaxeiros

Os que cheguen a Galicia dende Castela e León, Madrid, Valencia, Murcia e Navarra terán que notificar desde hoxe a súa chegada inscribíndose no rexistro de viaxeiros. Teñen un prazo de 24 horas para facelo.

Estas comunidades súmanse a Aragón, as Baleares, Cataluña e o País Vasco, que xa estaban na listaxe. Tamén terán que notificar a súa chegada todos os viaxeiros procedentes doutros países europeos agás Malta.

En dúas semanas volverase a actualizar a listaxe.