Samertolameu comeza gañando na Liga Galega de Traiñeiras

A Bandeira Cidade de Narón deu inicio á Liga Galega de Traiñeiras desta temporada.

E o primeiro triunfo foi para Samertolameu, que saíu na primeira quenda. O tempo da embarcación moañesa foi de 20 minutos, 48 segundos e 78 centésimas, case tres segundos mellor que o realizado por Cabo da Cruz, que saía na segunda quenda despois do sorteo.

Mecos foi a terceira clasificada, remando na terceira quenda. Así as cousas, Samertolameu lidera a Liga despois desta primeira proba.