Rusia expulsa dous diplomáticos dos Estados Unidos por "actividades ilegais"

Rusia declarou este xoves "persona non grata" dous diplomáticos estadounidenses por "actividades ilegais" e deulles sete días de prazo para abandonar o país, segundo informou o Ministerio de Exteriores nun comunicado.

A decisión foi comunicada á embaixadora estadounidense en Moscova, Lynne Tracy, quen foi citada á sede da Chancelería rusa, agrega a nota.

Os diplomáticos afectados son o primeiro e o segundo secretario da legación, que manterían contactos cun cidadán ruso acusado de "cooperación confidencial" con país estranxeiro, que "realizaba tarefas remuneradas" que danaban a seguridade de Rusia.

Moscova salientou que as "actividades ilegais" da embaixada estadounidense, incluída a "inxerencia en asuntos internos" de Rusia, son inaceptables e serán abortadas de forma rotunda.

"A parte rusa confía en que Washington sacará as conclusións necesarias e evitará dar pasos cara á confrontación", conclúe o comunicado.