Rueda reclamará en Bruxelas que os controis sobre Mercosur funcionen desde o inicio

O presidente da Xunta Alfonso Rueda avanzou este sábado que pedirá en Bruxelas que os controis sobre os produtos de Mercosur funcionen desde a implantación do acordo de libre comercio con Europa.

Así llo trasladará ao comisario de Agricultura da Unión Europea, co que ten previsto reunirse a principios da próxima semana.

Unha entrevista que o titular do Goberno galego solicitou, en primeiro lugar, ao considerar que, ante a entrada en vigor provisional do acordo con Mercosur, é fundamental que todos os controis e todas as salvagardas funcionen desde o primeiro momento, para asegurarse de que todo o que entra en Europa cumpre as condicións do tratado.

Rueda apunta que a Xunta tamén vai poñer da súa parte en materia de saúde pública e en inspección de consumo. Confía en que o acordo con Mercosur poida ser unha oportunidade e non se converta nun prexuízo ou ameaza.

O presidente aproveitará a entrevista co comisario europeo de agricultura para defender en Europa a necesidade de que os fondos para a agricultura e a pesca non diminúan porque son fundamentais e serviron para transformar o sector e facelo moito máis competitivo.

Avoga por que se manteñan e que a súa tramitación sexa moito máis sinxela.