Rueda pon o foco en sanidade e política social no ecuador da lexislatura

Alfonso Rueda dixo que máis do 85% do programa co que se presentou ás eleccións está cumprido e puxo como exemplo a educación.

"Prometemos que a universidade ía ser gratuíta para a xente que se esforzara e Galicia a día de hoxe é a única comunidade onde se pode estudiar gratuitamente dende a educación infantil ata a universidade".

Tamén destacou avances en sanidade, política social e vivenda: "dixemos 4.000 vivendas nunha lexislatura e están todas en marhca. Esperamos que a inmensa maioría podan ser fogares para 4 mil galegos antes de que remate a lexislatura".

Rueda criticou o papel da oposición en Galicia:  "O non a todo combátese cun si rotundo. S de sentidiño e I de impulso. O meu goberno ten claro e o Partido Popular de Galicia ten claro que nós temos que seguir cumprindo". 

No acto participaron todos os conselleiros do goberno, agás Diego Calvo que está de viaxe institucional.