Rescatan máis dunha vintena de gatos nun piso do barrio coruñés dos Mallos

Este martes os operarios de limpeza continúan baleirando o primeiro andar do inmoble da Coruña onde convivían os inquilinos con máis de vinte gatos.

Os veciños aseguran que nin podían abrir as ventás, "porque cheiraba todo". "Eu xa pensaba cando podía tender", di unha muller.

E así estiveron máis dun lustro. "Eles viñeron hai sete anos, pero comezamos as protestas haberá cinco", explican.

Porén, ata este luns non se puido facer nada. Ao tratarse dunha propiedade privada, era necesaria unha autorización xudicial. Agora os veciños din, con reservas, que están satisfeitos.