Renuncia a alcaldesa de Lousame tras 14 anos no cargo

O Pleno municipal de Lousame acolleu este martes unha sesión extraordinaria para oficializar a renuncia ao cargo de alcaldesa presentada por Teresa Villaverde Pais, despois de 14 anos á fronte da corporación e tras 22 como concelleira.

Villaverde Pais asegurou que a súa dimisión se produce por motivos estritamente persoais e agradeceu aos veciños da localidade o respaldo ao seu grupo, que foi o máis votado nas pasadas eleccións municipais.

O novo alcalde será o número dous do PP en Lousame, o primeiro tenente de alcaldesa e concelleiro de Economía e Facenda, Esteban Ares García.