Récord de positivos na área sanitaria viguesa, con 7.425 casos activos

O aumento da incidencia reflíctese na concorrencia nos puntos de diagnóstico e nos centros de vacinación. No do Instituto Feiral de Vigo xa comezou o reforzo para a franxa de idade de 40 a 49 anos. 

Máis da metade dos casos diagnosticados na área sanitaria viguesa son da variante ómicron. Os case 7.500 positivos actuais constitúen o número máis alto da pandemia. 

Segundo os últimos rexistros, nas UCI viguesas hai 14 persoas ingresadas e 66 permanecen hospitalizadas en planta.