Reclaman un semáforo na travesía de Meicende, en Arteixo, para evitar os accidentes
Denuncian que o semáforo temporal que instalaron en decembro non permite ver con claridade
Un semáforo ancorado no chan a finais de decembro de xeito temporal está a causar malestar na localidade arteixá de Meicende.
"Houbo un accidente e un bus levou o semáforo por diante". "Fixeron aí un amaño, pero nunca máis se lembraron de vir".
Desde daquela pasaron máis de tres meses e, segundo a veciñanza, foi cando comezaron os problemas neste punto da travesía.
"Non se ve o semáforo". "Se para aí o bus, os coches adiantan e baten cos que veñen de fronte". "Hai accidentes seguido".
O último, hai dous días.
"O domingo houbo aí un accidente". "Que poñan o semáforo canto antes porque ese é moi baixo e dá problemas porque non se ve".
Pero quéixanse tamén do estado en que se atopa a calzada.
"Por aquí pasan moitos camións e hai moitas fochancas". "Non amañan como deberan. Poñen parches e así está todo". "E tiñan que pintar os pasos de peóns porque non se ven".
Melloras viarias, din, que evitarían posibles accidentes.
