Publicador de contidos

Publicador de contidos

Quique de Lucas, axente de Hugo Mallo, nega a acusación de abuso sexual

Quique de Lucas, axente de Hugo Mallo, nega a acusación de abuso sexual

De Lucas sinala que "foi a Audiencia Provincial a que mandou reabrir o expediente para que a controversia se resolvese nun xuízo oral"

G24.gal 31/01/2024 15:03 Última actualización 31/01/2024 15:12

Quique de Lucas publicou a través da súa conta de Instagram un comunicado de prensa onde se pronuncia acerca da acusación de abuso sexual pola que será xulgado o actual futbolista do Internacional de Porto Alegre.

"En primeiro lugar, negamos categoricamente os feitos denunciados, o que xa se puxo de manifesto perante o xulgado que os investigou, esixindo un absoluto respecto á presunción de inocencia", comeza.

A continuación, manifesta que ese mesmo xulgado, tras tomar declaración á denunciante, a Hugo e valorar o resto de probas, decidiu arquivar o asunto, "xa que non consideraba probados os feitos".

Aclara que esa resolución "foi recorrida por ambas as partes: a denunciante, porque si cría que se acreditaban os feitos descritos na denuncia" e eles "ao entender que non só non quedaban acreditados senón que se podía asegurar que non se produciron".

De Lucas sinala que "foi a Audiencia Provincial a que mandou reabrir o expediente para que a controversia se resolvese nun xuízo oral", ao que, salienta, "Hugo comparece como inocente".

 Despois, refírese aos clubs que se enfrontaban o día dos supostos feitos e a como actuaron respecto diso:

"Queremos destacar que tanto o R. C. Celta como o RCD Español, ao activar os seus respectivos protocolos e tras analizar a información recibida, consideraron que non había probas do denunciado, non iniciándose tampouco expediente algún por parte da RFEF nin da liga".

Por último, solicitan á xustiza "que actúe", así como "o máximo respecto para Hugo e a súa familia á espera de que aflore a verdade".

Publicidade
Publicidade
Publicidade
Publicidade
Pódeche interesar

Publicador de contidos