Confirmada a condena a Hugo Mallo por abusar sexualmente dunha muller, mascota do Español
Confirmada a condena a Hugo Mallo por abusar sexualmente dunha muller, mascota do Español
Mallo foi condenado a unha sanción económica de 24 meses, que se eleva a uns 7.000 euros
A Audiencia Provincial de Barcelona desestimou o recurso da defensa de Hugo Mallo por abusar sexualmente da muller disfrazada de periquito. Os maxistrados consideran probados os feitos polos que o excéltico foi condenado a unha sanción económica de 24 meses, que se eleva a uns 7.000 euros, ademais de ter que afrontar as custas procesuais propias e da vítima.
A Sección Oitava da Audiencia Provincial de Barcelona desestimou o recurso de apelación interposto pola defensa de Hugo Mallo, que foi condenado en setembro no Xulgado do Penal número 19 da Cidade Condal, por un delito de abusos sexuais.
O tribunal, composto por seis xuízas e xuíces, confirma integramente e por unanimidade a sentenza.
"Alcanzouse plena convicción de que os feitos sucederon tal e como os relatou a vítima”, explica tallante a resolución.
Os feitos tiveron lugar o 24 de abril de 2019, cando nos prolegómenos do partido entre o Español e o Celta de Vigo, no RCDE Stadium, no habitual saúdo entre xogadores.
Mallo como capitán do conxunto celeste, alcanzou en primeiro lugar o posto no que estaba Carme Coma, quen traballaba como mascota feminina do Español, a periquita.
O capitán do Celta tocoulle os peitos sen mediar consentimento algún, tal e como a propia vítima asegurou.
