Putin tacha de "total disparate" as declaracións acerca de que Rusia quere atacar Europa

O presidente ruso, Vladimir Putin, cualificou de "total disparate" as declaracións en Occidente acerca de que Rusia, despois de Ucraína, disponse a atacar Europa, nunha reunión na noite do mércores con pilotos militares nas rexións de Tver, ao norte de Moscova.

Segundo o presidente ruso, tratan de "intimidar" a poboación

"O que din acerca de que imos atacar a Europa despois de Ucraína é un total disparate, é unha intimidación da súa poboación, para sacarlle diñeiro", dixo o xefe do Kremlin, citado este xoves polas axencias rusas.

Putin afirmou que "os satélites de Estados Unidos temen a unha Rusia grande e forte", pero asegurou que non teñen motivo para iso.

"Non temos ningunha intención agresiva en relación a eses países", subliñou.

Insistiu en que é un "total disparate" falar da posibilidade de "un ataque outros países, a Polonia, os países bálticos".

O mandatario engadiu que tamén "asustan os checos", para resumir que as declaracións sobre a ameaza rusa son "simples delirios".

Asegura que é unha "bobada" pensar que van combater coa OTAN, dado que o gasto militar de Occidente é moi superior ao ruso

Putin lembrou que en 2022 o gasto militar dos EUA, o líder da OTAN, foi de 811.000 millóns de dólares, mentres que o de Rusia foi de 72.000 millóns.

"Seica con esa correlación imos combater coa OTAN? É unha bobada", dixo.

Advirte de que os cazas F-16 que se enviarán a Ucraína serán considerados obxectivos independentemento do lugar desde onde operen

Ao mesmo tempo, advertiu de que os cazas F-16 que se fornecerán a Ucraína serán considerados "obxectivos lexítimos" independentemente do lugar desde onde operen.

Putin respondeu así á pregunta dun piloto acerca de se a Forza Aérea de Rusia destruirá os F-16 en aeródromos da OTAN se son empregados desde alí por Ucraína.