Publicador de contidos

Publicador de contidos

Moscova apraza a chamada a filas pola saturación dos centros de recrutamento

Moscova apraza a chamada a filas pola saturación dos centros de recrutamento

G24.gal 01/10/2022 12:00 Última actualización 01/10/2022 18:25

O presidente ruso, Vladimir Putin, aprazou un mes a chamada a filas debido á saturación dos centros de recrutamento pola mobilización parcial para a campaña militar en Ucraína, segundo explicou este sábado o Kremlin.

"Agora as oficinas de alistamento están moi saturadas pola mobilización parcial. Para non agravar aínda máis esa conxestión, tomouse esa decisión", dixo Dmitri Peskov, voceiro presidencial, á axencia RIA Nóvosti.

Peskov amosouse convencido de que a decisión permitirá conxugar tanto o fluxo de homes mobilizados coma o de recrutas que deben cumprir o servizo militar.

Putin chamou a filas a 120.000 persoas, de entre 18 e 27 anos, que iniciarán o servizo obrigatorio o 1 de novembro no canto do primeiro de outubro, como é tradición. Esa leva outonal inclúe 7.000 rusos menos que hai un ano, redución que ninguén explicou polo momento.

Os militares encargados da mobilización parcial explicaron que devanditos recrutas non participarán na "operación militar especial" en Ucraína.

Promesa incumprida

Con todo, esa promesa xa se incumpriu ao principio da campaña e, segundo a prensa, ninguén pode descartar que, unha vez conclúan o servizo militar e pasen á reserva, se despreguen automaticamente no país veciño.

Segundo a lei, os recrutas non poden despregarse nun territorio estranxeiro, a non ser que o xefe do Kremlin declare a lei marcial. Putin admitiu erros na mobilización parcial e ordenou que volvan inmediatamente á casa aquelas persoas mobilizadas por erro.

Milleiros de rusos abandonaron o país desde que o presidente asinara fai dez días o decreto de mobilización.

As autoridades tamén advertiron que castigarán con ata 15 anos de cárcere os intentos de queimar os centros de recrutamento, que sufriron numerosos ataques nas últimas semanas. 

Publicidade
Publicidade
Publicidade
Publicidade