Progresa a vacinación das persoas maiores de 50 anos coa terceira dose
Progresa a vacinación das persoas maiores de 50 anos coa terceira dose
Na Cidade da Cultura están convocadas este domingo preto de 6.000 persoas
O Sergas prevé comezar a vacinación de reforzo para maiores de 40 antes de fin de ano
Continúa en Galicia a vacinación coa dose de reforzo no grupo de idade de entre 50 e 59 anos. No Gaiás, en Compostela, este domingo están convocadas preto de 6.000 persoas. A porcentaxe de asistencia está a ser moi alta.
Como centro de vacinación libre, ata a Cidade da Cultura tamén chegan persoas que non recibiran aínda ningunha dose e que agora cambiaron de opinión, veñen mesmo sen cita previa.
Ademais, continúa a dispoñibilidade para os que tampouco recibiran a segunda dose ou para os que se lles administrara a monodose de Jannsen.
En canto aos cativos, o Sergas aspira a ter vacinados o 85 % dos nenos e nenas de entre 5 e 11 anos para a primeira semana de xaneiro. Xa hai data para a segunda quenda de vacinación.
A semana que comeza continuará a vacinación de maiores de 50 anos e prevese comezar a vacinar coa dose de reforzo o colectivo de maiores de 40 antes de que remate o ano.