Publicador de contidos
Publicador de contidos

PP e PSOE empatarían nas eleccións ao Parlamento Europeo, segundo o último CIS

PP e PSOE empatarían nas eleccións ao Parlamento Europeo, segundo o último CIS

Un 31,8 por cento dos enquisados aínda non sabe a quen votará

G24.gal 23/04/2024 16:34

As eleccións europeas do próximo 9 de xuño terán como resultado un empate entre PSOE e o PP que obterían o 19,3 por cento e o 19,2 por cento dos votos, segundo unha enquisa do Centro de Investigacións Sociolóxicas (CIS) feita pública este martes.

A enquisa, elaborada con 3.750 entrevistas realizadas entre o 9 e o 13 de abril, reflicte o voto directo, non unha estimación, e revela que un 31,8 por cento dos enquisados aínda non sabe a quen votará.

Preguntados pola quen votaron nas anteriores eleccións ao Parlamento Europeo, o 33,5 por cento asegura que votou ao PSOE, mentres que un 23 por cento lembra votar ao PP.

O CIS tamén pregunta por cal sería a intención de voto se as eleccións fosen nacionais e se votase ao Parlamento español. Neste caso, o 24,6 por cento asegura que votaría ao PP, mentres que o 23 por cento faríao ao PSOE.

Ademais, segundo a enquisa, Vox quedaría en terceiro lugar cun 7,3 por cento dos votos, por diante de Sumar, que obtería o 4,8 por cento, seguido por Podemos, co 2,2 por cento.

Con todo, o 16,5 por cento admite que “non sabe aínda” a quen votaría nas eleccións nacionais.

Sobre as posibilidades de que acudan a votar, o 53 por cento asegura que acudirá “con toda seguridade” ás urnas, seguido por un 12 por cento que cre que “con toda seguridade non irá votar”.

Cabe destacar tamén que, preguntados por en que medida cren que lle afectan as decisións tomadas en Europa, o 82,9 por cento considera que lle afectan “moito” ou “bastante”, pero o 50 por cento asegura estar “pouco informado” sobre os asuntos relacionados coa UE.

A enquisa tamén revela que o 63,9 por cento considera que, de non estar na UE, as cousas no plano económico irían “peor” para España, mentres que o 31,8 por cento cre que irían “mellor” ou “igual”.

Así, os enquisados cren que a pertenza de España á UE resultou “máis ben beneficiosa” en cuestión da cultura (79,9 por cento), o peso de España no mundo (76,5 por cento), as oportunidades de facer negocio (77,4 por cento) e as oportunidades para atopar emprego (73,2 por cento).

Por contra, o 48,4 por cento cre que a UE resultou "máis ben prexudicial" para os prezos de bens e consumo e o 31 por cento para os salarios. 

Publicidade
Publicidade
Publicidade
Publicidade