Poxa de gando e novidades industriais na Feira agrícola de Boimorto

Boimorto é esta fin de semana o escaparate das novidades industriais do agro coa Feira de maquinaria agrícola e produtos ecolóxicos. 

No certame hai tamén poxa de gando. O conselleiro de Medio Rural destacou que o seu departamento sacará este ano unha nova convocatoria de axudas para a realización de certames de gando bovino selecto, dotada con 200.000 euros.

José González tamén lembrou liña de axudas destinada á incorporación de persoas mozas á actividade agraria, á execución de plans de mellora e á creación de pequenas explotacións, cuxa convocatoria remata este luns.