Feijóo anuncia 106 prazas de facultativo especialista en Atención Primaria
Feijóo anuncia 106 prazas de facultativo especialista en Atención Primaria
Feijóo avanzou esta oferta en resposta á nacionalista Ana Pontón, quen alertou da "grave deterioración" da Atención Primaria en Galicia e incidiu na"privatización"
Luís Álvarez estreouse como voceiro socialista no Parlamento de Galicia
O presidente de la Xunta, Alberto Núñez Feijóo, avanzou na sesión de control do Parlamento o impulso, "por primeira vez en España", dunha oferta pública de emprego dotada con 106 prazas para a nova categoría de facultativo especialista de Atención Primaria, para continuar co alivio da conxestión dese nivel asistencial.
Feijóo avanzou esta oferta en resposta á nacionalista Ana Pontón, quen alertou da "grave deterioración" da Atención Primaria en Galicia e incidiu na "privatización".
O presidente galego díxolle que é "soez" falar de "privatización" e reafirmouse en que "o problema" está "na falta de médicos", á vez que lle recriminou ao BNG que "non lle axude" á Xunta a reivindicar ao Goberno central propostas como un MIR extraordinario.
Na sesión de control á que se someteu Feijóo, estreouse o portavoz socialista, Luís Álvarez, e fíxolle unha pregunta ao presidente sobre como vai ser a xestión dos fondos europeos en materia de emprego.
Tanto Feijóo como Ana Pontón felicitaron ao novo voceiro socialista e destacaron o papel que realizou Gonzalo Caballero.
Minuto a minuto
Comeza a sesión de control ao presidente da Xunta no Parlamento de Galicia
Luís Álvarez estréase como portavoz socialista no Parlamento
Luís Álvarez dille a Feijóo que durante o 2020 a execución de fondos en materia de emprego foi inferior ao 50 %
O portavoz socialista afirma que a redución de fondos en materia de emprego se traduce en máis temporalidade e precariedade e dille a Feijóo que lle esixe algo ao Goberno que el non cumpre.
Álvarez: "A xestión dos fondos europeos por parte do Goberno é rigorosa, solvente e planificada e falan vostedes dun repartimento discriminatorio".
Álvarez pregúntalle a Feijóo que "como van a ser capaces de xestionar de forma eficiente eses fondos co histórico que teñen de falla de execución".
O presidente da Xunta respóndelle ao portavoz socialista
Feijóo felicita a Luís Álvarez tras a súa designación como portavoz do grupo parlamentario socialista e felicita a Caballero polo labor que realizou.
Feijóo: "Os fondos de emprego no 2020 están comprometidos ao 84 % do orzamento e no 2021 levamos o 74,8 % comprometido antes de pechar o exercicio".
Feijóo pregúntalle a Álvarez que se pedir explicacións sobre o repartimento de fondos europeos e ir contra os intereses de Galicia
Feijóo di que de 1.141 millóns de euros en materia de políticas activas, o Goberno de Pedro Sánchez queda con 454 millóns de euros que lle corresponden ás comunidades autónomas.
O presidente da Xunta pregúntalle ao portavoz socialista que vai facer o Goberno con eses 454 millóns de euros que lle corresponden ás comunidades e que 9 millóns xa foron repartidos en comunidades con conselleiros socialistas.
Feijóo: "Gustaríame que non fixera seguidismo do Goberno central e si dos intereses dos galegos".
O voceiro socialista respóndelle ao presidente da Xunta
Álvarez: "De que se me acusa? Non estou facendo ningún seguidismo do Goberno. Estou facendo unha proposta de explicación da xestión dos fondos".
Álvarez: "Se temos que facer unha demanda ao Goberno na defensa dos intereses dos galegos farémola e mesmo nos poñeremos do seu lado, pero demostre que merece esa confianza que lle estamos a ofrecer".
Álvarez dille a Feijóo que Galicia recibiu máis de 680 millóns de euros dos fondos europeos e que a converte na sexta comunidade autónoma en termos absolutos que máis fondo recibiu e catro desas seis están gobernadas polo Partido Popular.
Álvarez pídelle a Feijóo que eses fondos se empreguen de xeito obxectivo e transparente para solucionar os problemas dos galegos
O presidente da Xunta pecha a reposta da pregunta de Luís Álvarez
Feijóo dille ao portavoz socialista que o PP tivo que denunciar o Goberno central polo IVE e que o Supremo deulles a razón.
Feijóo: "Recibimos 73 millóns de euros e o 58 % están en execución por expedientes de execución de gasto".
Feijóo pregúntalle a Luís Álvarez se van denunciar que o Goberno quede co 40 % dos fondos que lles corresponden ás comunidades autónomas.
O presidente da Xunta afirma que se Álvarez defende os intereses da Galicia, vanse atopar moitas veces no acordo, diálogo e consenso.
Ana Pontón súmase aos parabéns polo nomeamento de Álvarez e recoñece o labor realizado por Caballero.
Pontón dille a Feijóo que a deterioración na sanidade pública non é casualidade e que é froito da política de privatización da sanidade.
Pontón dille a Feijóo que a pandemia deixou unha situación crítica na sanidade
Pontón a Feijóo: "Que pensa facer ante o colapso da atención primaria?".
Feijóo respóndelle a Ana Pontón
Feijóo dille a portavoz do BNG que agora hai 6.400 persoas máis traballando no Servizo Galego de Saúde que cando gobernaba o BNG xunto co PSOE.
Feijóo: "Galicia é a primeira comunidade con menor mortalidade peninsular durante dous anos de pandemia, Galicia é a primeira comunidade en poboación vacinada e somos a primeira comunidade autónoma con menos ocupación hospitalaria en planta e UCI".
Feijóo dille a Pontón que levan anos denunciando a falta de médicos en atención primaria e de pediatras.
Feijóo: "O que se está facendo co Sistema Nacional de Saúde é un acto de enorme irresponsable".
O presidente da Xunta dille a Ana Pontón que "se sente orgulloso do Servizo Galego de Saúde" e recoñece que hai un problema de saturación en atención primaria.
Ana Pontón respóndelle a Feijóo
Pontón: "As propostas do PP son privatizar a sanidade pública para beneficiar a sanidade privada"
Pontón: "Vostede fáltalles ao respeto aos profesionais cando ten os centros de saúde con menos médicos dos que se necesitan".
Pontón di que o investimento en atención primaria se sitúa no 12 % e que é a metade do que recomendan os especialistas que se necesita.
Feijóo responde a Ana Pontón
Feijóo pregúntalle á voceira do BNG se non vai felicitar o Sergas pola xestión da pandemia
Feijóo: "O problema é que levamos dous anos en pandemia e que cada vez que se pon un médico enfermo non hai outro que o substitúa".
Feijóo: "Cal é o modelo do BNG na xestión da pandemia e que comunidade autónoma debemos de mirar?".
Feijóo afirma que hai 831 persoas máis traballando en atención primaria que cando gobernaba o BNG co PSOE.
Feijóo a Pontón: "Dígame que o que se pode facer máis e cal é o seu modelo".
Remata a sesión de control ao presidente da Xunta e continúa o pleno no Parlamento de Galicia
Feijóo anuncia a creación "por primeira vez en España" dunha oferta pública con 106 prazas para a nova categoría de facultativo especialista en Atención Primaria.
.png)
.png)
