Piden once anos de prisión para os presuntos narcotraficantes xulgados en Pontevedra

A Audiencia de Pontevedra comezaba este luns o xuízo contra seis mariñeiros acusados de ser membros dunha banda á que lle interceptaron 30 quilos de cocaína en  2019. Son catro galegos e dous paraguaios para os que o fiscal solicita unha condena de 11 anos de prisión.

Os seis negaron a súa relación coa carga de droga transportada desde O Uruguai nun pesqueiro.

O principal acusado é o cangués Manuel Martínez Corredoira, cociñeiro do barco en que viña a droga, que tamén foi o confidente da Garda Civil durante a operación.

Canda el, tamén acusado está outro cangués, cociñeiro igualmente no mesmo barco, dous cidadáns uruguaios, un veciño de Vilagarcía e outro de Vilanova de Arousa.

Seguno a Fiscalía, ao chegar a porto os mariñeiros entregábanlles a droga aos outros que a distribuían.

O fiscal pide para cada un deles 9 anos de prisión por tráfico de drogas e outros dous por integración en grupo criminal.