Perigan as luces de Nadal en Moaña porque ningunha empresa se presentou ao concurso

Medra o malestar entre os veciños de Moaña. A estas alturas aínda non hai ningunha empresa contratada para instalar a iluminación de Nadal. Este ano foi a primeira vez que o Concello sacou o contrato a licitación, un concurso público que quedou deserto.

Os comerciantes temen que este vai ser o primeiro ano en que van quedar sen iluminación especial nas súas rúas, algo que vai empurrar os veciños a facer as compras a Vigo.

Os veciños suplen a falta de iluminación coa decoración dos seus propios establecementos. Con todo hai quen opina que na situación actual a iluminación é un dispendio.

Os veciños que si as queren aínda non perderon a esperanza.