Pau Gasol culmina unha carreira de lenda coa entrada no Salón da Fama

A Pau Gasol non lle quedaban moitos retos por acadar nunha carreira de lenda no mundo do baloncesto. Na madrugada do sábado ao domingo logrou unha nova e impresionante: ser o primeiro xogador español en chegar ao Salón da Fama. Gasol uniuse aos adestradores Ferrándiz e Díaz Migue como os únicos españois co seu nome inscrito no Hall of Fame. 

Gasol foi presentado por outro mito como Toni Kukoc, repasou todos e cada un dos apoios que recibiu durante todos os anos nos que pelexou para chegar á cima do baloncesto mundial: "Moitos axudaron, pero ninguén o fixo como a miña familia", indicou o catalán. 

Pau tamén tivo unha lembranza para o seu irmán Marc, a súa fachenda por compartir éxitos na selección española e recordou como un dos días máis especiais da súa carreira o salto inicial ao seu carón no All Star de 2015.