Paro dos xogadores polo Vilarreal-Barcelona en Miami

A Asociación de Futbolistas Españoles (AFE), co apoio dos capitáns de primeira división, anunciou que, durante todos os partidos correspondentes á novena xornada do Campionato Nacional de Liga de Primeira División, ao inicio de cada partido, os futbolistas protestarán de forma simbólica como reivindicación pola falta de transparencia, diálogo e coherencia da LFP  sobre a posibilidade de disputar un partido da competición  en Estados Unidos.

O primeiro partido en que se realizou este paro foi no Oviedo-Español que inauguraba a xornada na primeira división.