Os voluntarios para a visita do papa están a contar os días

O avión do Exército chegou de Roma con dous papamóbiles a bordo.

"Barcelona espera por el", subliña unha voluntaria

E en Barcelona quedou un papamóbil. Os voluntarios ven a visita cada vez máis cerca.

"Todo o mundo está nervioso. Agardamos que traia unha mensaxe de unidade e esperanza", conta outra voluntaria

Logo o avión militar voou de Barcelona a Madrid. Alí quedou o segundo papamóbil.

"Que veña a Madrid o papa, con todos os corazóns que vai mover, todas as almas que vai mover..."

Voluntarios de todas as idades aceleran os preparativos.

"O que vou facer durante a visita do papa é acoller pererinos na miña casa"

Ambos os dous papamóbiles voarán despois ás Canarias.

"É a primeira vez que un papa visita as illas"

"É un evento histórico, a participar nel éncheme interiormente"

Tanto en Gran Canaria coma en Tenerife, León XIV fará unha aproximación á realidade dos migrantes.

"Son mozos que non falan castelán aínda, e están a poñer as pilas coas clases de castelán que temos no centro para poder ter unha conversa breve con el, e están a preparar unhas pequenas frases. Estano collendo con esa ilusión", contan dende o cento de acollida de migrantes de Tenerife

Os voluntarios repiten a palabra esperanza.

A primeira parada do papa en España será no Palacio Real, onde vai manter un encontro con autoridades e sociedade civil. Nesa recepción estará Alfonso Rueda, que aproveitará a ocasión para reiterarlle o convite para que visite Galicia no Ano Santo 2027.

O itinerario de León XIV por Madrid, Barcelona e as Illas Canarias poderase seguir en directo en G24.gal, que incluirá as retransmisións da TVG dos momentos máis destacados da viaxe