Os seareiros do Eintracht sementan o caos no centro de Nápoles

Preto de 600 afeccionados do Eintracht que viaxaron a Nápoles, a pesar de non poder acceder ao estadio, provocaron altercados e sementaron o caos no centro histórico da cidade italiana.

A facción 'ultra' do equipo xermano enfrontouse á policía. Un operativo duns 800 axentes que non puido evitar que arremeteran contra os comercios locais e incendiaran, mesmo, un coche de policía e contedores de lixo.

Tamén houbo enfrontamentos coa facción radical do Nápoles. A tensión para o partido comezou no choque de ida, en que xa se produciron altercados no centro da cidade. Por este motivo, o delegado de Goberno de Nápoles prohibiu este domingo a venda de entradas a afeccionados alemáns residentes en Frankfurt. Unha decisión que non gustou nada a un club alemán que xa emitiu un comunicado de prensa en contra da medida e que non impediu que numerosos afeccionados chegaran á cidade sureña italiana.