Estrea de xoguetes na rúa e xuntanzas familiares reducidas

Hoxe é día de estrea de agasallos para moitos rapaces que acaban de recibir a visita de Papá Noel. É unha estampa que se repite en moitos lugares porque os cativos queren lucir os seus regalos.

É tamén un día para xuntarse coa familia, aínda que de novo a pandemia impide facelo con moitas persoas. Con todo, o tradicional é xantar cos máis achegados xa sexa na casa ou fóra.

Os rapaces saen á rúa para estrear os novos agasallos, depositados misteriosamente por Papá Noel que nunha noite é capaz de repartir regalos por todo o mundo. As caras de sorpresa e felicidade reflicten o gozo dos cativos. 

A poucos pasos encontrámonos con Antón, que está encantado coa súa bicicleta. O día despexado anima a probar os agasallos. É o caso de Alba. Felices tamén os pais dos cativos,  ao ver a boa acollida dos regalos. 

É unha estampa tradicional, familias con pequenos que estrean os regalos, antes da xuntanza para celebrar o Nadal. 

Reunións que este ano están novamente marcadas pola pandemia e son menos numerosas, pero que sempre que se pode fanse coa familia.