Os letrados de xustiza reclaman na rúa avances nas melloras salariais comprometidas co ministerio

Os letrados de xustiza volven á rúa para reclamar avances nas melloras laborais e salariais comprometidas, din, co Ministerio de Xustiza hai agora un ano. Os antigos secretarios xudiciais levan mes e medio de folga indefinida, un tempo no que calculan que se chegaron a suspender uns 350.000 xuízos.

Tras catro reunións sen avances, reclaman a convocatoria dunha nova xuntanza coa ministra de Xustiza. "É unha cuestión de dignidade e non imos parar ata conseguir un acordo xusto", din. "Que se dean os pasos necesarios pola parte do Ministerio para que nos poidamos reunir e falar. Queremos lembrarlle á Ministra, ao Goberno e ao señor Sánchez que a xustiza está parada".