Os expertos advirten da evolución da obesidade, que afecta xa o 25 % dos galegos
O cambio de hábitos pola pandemia fixo que case a metade da poboación subira de peso
Os expertos advirten de que pode provocar cancro, diabetes e problemas cardiovasculares
Seis de cada dez galegos presentan problemas de sobrepeso. No Día Mundial da Obesidade os expertos advirten de que esta enfermidade está detrás de moitos casos de diabetes, cancros e problemas cardiovasculares. Por iso hai que tomar medidas.
Cada vez recibimos máis consellos e máis información, pero semellan non ser suficientes. Os datos da Sociedade Española da Obesidade din que o cambio de hábitos pola pandemia provocou que un terzo da poboación subiu entre un e tres quilos, e un 12 por cento colleu aínda máis peso.
E iso que moitos preocúpanse de corrixir os excesos. O mellor para combatelos, dieta sa e deporte. A obesidade triplicou a súa afectación na última década e afecta xa o 20 por cento da poboación mundial.
