Miku e Romay, dous exdeportivistas no derbi do Espiñedo

Son dous vellos coñecidos da afección deportivista. Miku estivo dúas tempadas de branquiazul con 19 goles. Manuel Romay ten pasado no filial. Arenteiro e Deportivo chegan empatados ao derbi. Quen é favorito? Romay, teno claro.

"Son favoritos. Intentaremos meterlle man. Non será sinxelo".

Comparten categoría, amosan un nivel similar no que vai de competición, pero séguese vendo o Deportivo como un club doutra liga. Mentres, o Arenteiro é un dos equipos revelación da categoría, consolidado na zona media da táboa.

O Deportivo só suma 9 dos últimos 18 puntos posibles, lonxe do que se esperaba ao inicio de tempada.

Miku: "Teñen futbolistas contrastados, ao final estarán onde cren que deben estar".

O Arenteiro prepárase para inmortalizar un partido histórico no Espiñedo.