Os enfermeiros do centro de Saúde da Estrada son os que teñen mellor reputación en España
O recoñecemento basease nunha autoría do Consello Xeral da Enfermería
Despois de ser escollido como mellor centro de saúde en cinco das sete últimas convocatorias dos premios Best in Class, o PAC de Atención Primaria da Estrada volve situarse no podio, desta vez pola calidade do seu equipo de enfermería.
É un galardón que ten aínda máis importancia se temos en conta que este tipo de estudos e de auditorías adoitan facerse nos centros de saúde das grandes cidades; daquela, na Estrada este recoñecemento recíbese con dobre satisfacción.
"É un recoñecemento que ten moito mérito porque é moi difícil conseguilo. É a reputación que temos entre os profesionais de enfermería do conxunto do Estado", explica Juan Sánchez, Xefe de Servizo de Atención Primaria da Estrada.
E para eles, o equipo de Estrada, 24 profesionais de enfermería, son os que teñen a mellor reputación de toda España, segundo o estudo do Consello Xeral de Enfermería.
"É un recoñecemento que amosa o gran traballo que se fai en todos os ámbitos de competencia, desde a xestión, a atención ao paciente ou a investigación", dinos a enfermeira Antía Durán.
É máis mérito aínda por tratarse dun centro periférico e rural. Dúas características que obrigan o persoal de enfermería a ser máis proactivo.
