Antes de deixar Galicia, os ciclistas anuncian que prefiren a neutralización se hai incidentes na Volta

O pelotón da Volta a España prefire que a carreira se neutralice en caso de incidentes, cuestión que xa ocorreu dúas veces na presente edición nas etapas de Bilbao e Castro de Herville.

Unha decisión que tomaron os ciclistas tras consultar co seu sindicato, o CPA, antes da saída da décimo sétima etapa entre O Barco de Valdeorras, en Ourense, e o alto do Morredero, en León.

Nesta xornada, ás ameazas de neutralización polas protestas propalestinas uniuse a posibilidade de recortar a xornada polos fortes ventos que ameazan a cima leonesa do Morredero. Os ciclistas saben de onde saen, pero non onde van chegar, por iso prefiren facer a partir de agora unha consulta antes de tomar a saída.