Publicador de contidos

Publicador de contidos

Os altos segredos do Estado permanecerán ocultos 50 anos prorrogables

Os altos segredos do Estado permanecerán ocultos 50 anos prorrogables

Os xuíces deberán dirixirse ao Supremo para reclamar ao Goberno a desclasificación de documentos

A nova norma fixa por primeira vez a caducidade temporal dos segredos de Estado, que ata o de agora tiñan carácter indefinido

Poderán desclasificarse documentos da Coroa

G24.gal 01/08/2022 09:29 Última actualización 01/08/2022 23:35

O Consello de Ministros tramitará este luns o anteproxecto de lei de segredos oficiais, que incorporará catro categorías, fixará un mínimo de 50 anos para gardar os "altos segredos" de Estado e outorgará a responsabilidade da información clasificada ao Ministerio da Presidencia.

Sánchez avanzou a aprobación dese proxecto e recalcou a relevancia de que vaia substituír a lei vixente na actualidade e que data de 1968. A denominación será Anteproxecto de Lei de Información Clasificada, e fixará catro categorías de protección: alto segredo, segredo, confidencial e restrinxido

No caso dos altos segredos de Estado estarán clasificados 50 anos, prorrogables por 15 máis. Os segredos de Estado estarán clasificados 40 anos, prorrogables por 10 máis. Os confidenciais estarán clasificados entre 7 e 10 anos e os restrinxidos entre 4 e 6.

A desclasificación será automática cando expire o prazo, que será revisable en calquera momento pola mesma autoridade que os clasifique. Bolaños asegurou que os prazos son razonables e van en sintonía cos países do noso entorno, tanto da UE como da Alianza Atlántica.

Outra das novidades do anteproxecto é que se poderá clasificar un documento sobre un feito certo, futuro ou previsible, como o fin dun conflito bélico ou o falecemento dunha determinada persoa, citou o ministro como exemplos.

Actualmente non existe prazo límite algún para a desclasificación da información de carácter reservado. A lei establece unha autoridade nacional para a protección da información clasificada, con competencias, entre outras, de garantir o cumprimento da normativa, de coordinación e soporte das unidades de cada ministerio e de relación coas autoridades internacionais na materia.

Ata o de agora era Defensa a autoridade responsable da información clasificada en España, pero o anteproxecto outorga agora esta competencia ao Ministerio de Presidencia, Relacións coas Cortes e Memoria Democrática, a cuxa fronte está agora Félix Bolaños. 

Publicidade
Publicidade
Publicidade
Publicidade