O Xetafe estreita o cerco sobre Carles Pérez, que queda fóra da lista

Poden ser as últimas horas de Carles Pérez como xogador do Celta. O interior catalán non entrou na lista de xogadores que viaxaron a terras francesas e que logo se irán a Inglaterra. Queda claro que non conta para Claudio Giráldez e o Xetafe é o equipo mellor posicionado para a súa fichaxe. 

Despois dunha boa primeira temporada o Celta decidiu apostar forte por Carles pero o rendemento na segunda campaña baixou moito. Nin Benítez nin Claudio acabaron de contar cun xogador moi irregular e sempre castigado polas lesións.