Xapón fai o haraquiri e xogará o pase contra España
Costa Rica reponse da goleada da primeira xornada e gaña grazas a un gol de Fuller
Xapón tiña na man meterse nos oitavos de final do Mundial, pero o fútbol non entende de pasado, nin tan sequera do acontecido hai uns días. O mércores o equipo nipón fixo a fazaña de remontarlle á selección de Alemaña e poñerse con tres puntos. O mesmo mércores Costa Rica era humillada por España cun 7-0 que fixo moito dano.
🛡 ¡Keylor Navas es un muro!
— Gol Mundial (@Gol) November 27, 2022
🇯🇵 JPN 0-0 CRC 🇨🇷#GolMundial pic.twitter.com/qgQW37iOGt
Catro días despois, Costa Rica gañou en solidez defensiva e defendeu a porta de Keylor buscando deixar o taboleiro en contra a cero. A Xapón pesoulle a responsabilidade e xerou moi poucas oportunidades. No minuto 81, unha xogada de ataque centroamericana culminouna Fuller cun remate cruzado que pon o grupo patas arriba. España ten a clasificación na man. Pase o que pase contra os alemáns, chégalle cun empate na última xornada ante os xaponeses para pasar a oitavos.
🔥 ¡ESTA ES LA MAGIA DEL MUNDIAL!
— Gol Mundial (@Gol) November 27, 2022
⚽ Fuller hace vibrar a Costa Rica
🇯🇵 JPN 0-1 CRC 🇨🇷#GolMundial pic.twitter.com/hP9fBjlOkV
