O vigués Jonatan Giráldez confirma que non seguirá como técnico do Barça

O adestrador do Barcelona, Jonatan Giráldez, confirmou este luns en conferencia de prensa que abandonará o banco azulgrá a final de tempada, coincidindo co fin do seu contrato, que acaba o 30 de xuño de 2024.

"Comuniquei ao club que tiña a intención de non renovar o meu contrato", explicou o técnico vigués, de 32 anos, que non aceptou a proposta do club catalán para seguir.

O técnico vigués marchará, polo tanto, ao final da súa terceira tempada á fronte do Barça, equipo co que de momento conquistou dúas ligas, unha Liga de Campións, unha Copa da Raíña e dúas Supercopas de España.