O vento levanta parte da cuberta dun dos edificios de FIMO de Ferrol

Os Bombeiros de Ferrol tiveron que retirar parte da cuberta dun dos edificios do recinto de FIMO despois de que o vento a levantara. Do suceso non hai que lamentar persoas feridas.

Os intensos refachos de vento na zona provocaron, este domingo, que a cuberta se levantase nun dos seus extremos e acabase dobrada. Por iso, os efectivos tiveron que retirar algunhas partes da chapa e realizar traballos de prevención.

A cuberta deste edificio, que espera por unha reforma, non é a primeira vez que sofre algún tipo de dano.