O regreso de Irene Ferreras a Riazor marca o partido do Deportivo Abanca
A adestradora que levou o equipo á máxima categoría volve no banco do Granada
"Teño dúbidas de que non imos sufrir este ano", confesou o técnico coruñés Fran Alonso
Volve Irene Ferreras a Riazor un ano despois de deixar a dirección técnica do Deportivo Abanca. A adestradora que levou o cadro coruñés á máxima categoría dirixe agora un Granada que pelexa co Deportivo por unha permanencia cómoda na Liga F. O equipo andaluz ocupa o décimo posto con 13 puntos, tres máis que as coruñesas que buscan un triunfo que as afaste do perigo.
Con cinco puntos de marxe sobre o descenso Fran Alonso agarda mellorar un equipo que "tivo actuacións que non estiveron ao nivel axeitado pero non nos atopamos nunha situación límite" en referencia a como colleu o equipo o pasado mes de decembro.
