Publicador de contidos

Publicador de contidos

O PSOE propón unha lei abolicionista que multe os consumidores da prostitución

O PSOE propón unha lei abolicionista que multe os consumidores da prostitución

Adrianda Lastra advertiu de que se o PSOE ten que ir só nesta loita, irá.

O PSOE lamenta que tivese que retirar a abolición da prostitución para garantir a aprobación do "só si é si"

G24.gal 19/05/2022 10:51 Última actualización 19/05/2022 12:56

O PSOE expuxo este xoves unha proposición de lei que busca perseguir o proxenetismo en todas as súas formas e sancionar os homes que acudan á prostitución para poñer fin a unha das formas de explotación sexual que sofren miles de mulleres en España.

Así o explicou en conferencia de prensa a vicesecretaria xeral do PSOE Adriana Lastra, que afirmou que España non pode seguir mirando cara a outro lado ante esta "grave violación dos dereitos humanos", á vez que advertiu que se o PSOE ten que ir só nesta loita, irá. "Non é a primeira vez, tamén pasou cando levamos a lei contra a violencia de xénero ao Congreso e hoxe é unha realidade", subliñou Lastra.

Lastra asegura descoñecer a postura actual de Unidas Podemos e lembrou que en 2019, cando o PSOE presentou unha PNL para abolir a prostitución, a formación morada "fracturouse" á hora de votar.

A ministra de Igualdade, Irene Montero, pola súa banda, opinou que a proposta socialista sumará aos esforzos do Goberno de abolir a prostitución e axudará a continuar co debate para chegar a un consenso.

A vicesecretaria xeral do PSOE defendeu que loitar contra a peor forma de explotación non pode ser algo secundario e acusou o PP de facer "trilerismo político" e faltar á súa palabra ao dar marcha atrás e non apoiar a emenda que o PSOE ía incorporar á lei do só si é si encamiñada á abolición da prostitución e que finalmente retirou para non pór en perigo a norma.

Lastra confía en contar co maior apoio posible dos grupos parlamentarios, "máis aló dos vetos cruzados que vimos onte", para sacar adiante unha lei que busca perseguir o proxeneta, a tercería locativa e os homes que acoden á prostitución e protexer as mulleres, defendelas e acabar coa explotación sexual a que están sometidas.

Multas para consumidores de prostitución

O texto do PSOE di que as persoas que recorren ás mulleres en situación de prostitución participan directamente do armazón que sostén esta grave vulneración dos dereitos humanos, polo que serán multados.

Contempla multas de entre 12 e 24 meses e penas de prisión de entre 1 e 3 anos e multas de 24 a 48 meses no caso de que a persoa prostituída sexa menor de idade ou unha persoa en situación de vulnerabilidade.

Segundo o artigo 50 do Código Civil, a multa puiden ir desde o dez días aos dous anos e o importe, de dous euros diarios a 400, segundo determine o xuíz tras analizar a situación económica do condenado"En ningún caso será sancionada a persoa que estea en situación de prostitución", puntualiza o PSOE.

Belarra pide "máis goberno e máis coalición" para a segunda parte da lexislatura

A ministra de Dereitos Sociais e Axenda 2030 Ione Belarra reclamou do Executivo do que forma parte políticas "valentes, ambiciosas e transformadoras" e advertiu que para esta segunda parte da lexislatura necesítase "máis goberno e máis coalición".

E para iso, asegurou, necesítanse políticas como as novas leis feministas, a suba do salario mínimo interprofesional ou a lei de vivenda.

Publicidade
Publicidade
Publicidade