O Colexio de Médicos de Pontevedra pídelle "sentidiño" á cidadanía no Nadal

O Presidente do Colexio de Médicos de Pontevedra, Isidro Lago, pediulle á xente que teña sentidiño durante as festas de Nadal para poder frear a expansión dos contaxios, durante unha entrevista na Radio Galega.

É importante que teñamos sentidiño de cara ao Nadal para poder cortar a pandemia: usar a máscara, manter as distancias e facer núcleos burbulla.

Ademais, considera importante que a xente se inmunice porque, di, as vacinas son o maior logro que conseguiu a ciencia para curar enfermidades. Iso si, critica que se esté facendo só en certos países.

Precisamos que a xente se vacine, que a vacinación se extenda por todo o mundo, tanto no primeiro coma no terceiro mundo. A globalización fai que a xente se mova por todos os países.