O Porto de Marín pedirá a adscrición do terreos de Ence á zona portuaria
O Porto de Marín pedirá a adscrición do terreos de Ence á zona portuaria
O presidente da Autoridade portuaria di que a tramitación dependerá da vontade política do Goberno central
O Porto de Marín vai votar a próxima semana a adscrición dos terreos de Ence á zona portuaria.
O comité de empresa ve nesta opción a oportunidade de salvar os milleiros de postos de traballo que dependen da factoría. Confían en que haxa vontade por parte do Goberno central, que ten a última decisión.
A raíz do informe do Consello Consultivo de Galicia que dá luz verde á adscrición dos terreos de Ence ao porto de Marín, a Autoridade Portuaria comprometeuse a iniciar os trámites no seguinte Consello de Administración.
Con este paso, o espazo que ocupa Ence quedaría baixo un réxime xurídico distinto ao actual deixando de estar regulado pola Lei de costas para depender da Lei de portos.
