O Pontevedra non atopa o camiño da vitoria pero salva un punto co Guadalaxara

O Pontevedra sumou a cuarta xornada sen gañar e perdeu unha boa oportunidade para afastarse dos postos de descenso diante do Guadalaxara (1-1). Pero visto o partido o punto non se pode dar por malo despois de comezar por debaixo no marcador co gol de David Amigo. O portugués Joao Resende empatou nunha das últimas accións do primeiro tempo. Na segunda parte buscouno o equipo pontevedrés pero foi o Guadalaxara o que gozou das mellores ocasións. Edu Sousa, titular por segunda xornada consecutiva, evitou cun par de paradas a derrota dos galegos.