Publicador de contidos

Publicador de contidos

O CXPX aproba o informe crítico coa lei de vivenda

O CXPX aproba o informe crítico coa lei de vivenda

Sinalan que pode haber conflitos de competencias

G24.gal 27/01/2022 14:11

O pleno do Consello Xeral do Poder Xudicial aprobou, por quince votos a seis, o informe que critica con dureza o anteproxecto de Lei polo Dereito á Vivenda e que advirte dos problemas de orde constitucional que cre que podería carrexar, entre eles conflitos competenciais. 

O ditame é preceptivo, pero non vinculante, polo que a intención do Goberno é validar o texto en segunda volta nun próximo Consello de Ministros e envialo en febreiro ao Congreso para a súa tramitación parlamentaria.

Ao longo das súas 60 páxinas, o informe refírese ao anteproxecto con cualificativos como " sobrecargado", "contraditorio", "confuso", "incongruente", "nocivo", "innecesario" e "inoportuno" e sinala que as súas directrices xerais están "imbuídas dun claro  dirigismo da actuación das institucións autonómicas e locais, de problemático encaixe na orde constitucional de competencias".

Nesa liña, recalca que a vivenda é unha competencia de titularidade autonómica e considera que o lexislador estatal perpetra con esta lei unha "expropiación"  regulatoria.
Asegura tamén que o anteproxecto apunta a "unha alteración do entendemento da propiedade privada da vivenda", que interfere no libre mercado e que pretende " fosilizar" o concepto de función social da propiedade. 

Sobre as medidas de contención de prezos na regulación dos contratos de arrendamento de vivenda, afirma que "sendo un tema constitucionalmente sensible, ten un alcance limitado e un confuso contido", así como que "a súa complexidade  reglamentista puidese propiciar non poucos procedementos xudiciais". 

Sostén que a carga patrimonial das políticas estatais de vivenda afróntase "á conta dos  arrendadores privados non suficientemente compensados cos incentivos fiscais" previstos bar a lei.

Publicidade
Publicidade
Publicidade