Publicador de contidos

Publicador de contidos

Filipe VI fai público un patrimonio persoal de máis de 2,5 millóns de euros

Filipe VI fai público un patrimonio persoal de máis de 2,5 millóns de euros

O dato deuno a coñecer este luns a Casa Real

Zarzuela informou o Goberno, PP e outros grupos políticos, excepto BNG, ERC, CUP, Junts e Bildu por "estaren contra a Constitución do 1978"

G24.gal 25/04/2022 18:50

A Casa Real compartiu este luns o patrimonio do rei Filipe VI, que ascende a 2,57 millóns de euros. Esta publicación responde a unha medida "de exemplaridade e transparencia".

Do patrimonio —acumulado desde o ano 1998— 2,26 millóns son de depósitos bancarios e fondo de investimento e 305.450 euros son de antigüidades, obxectos de arte e xoias de carácter persoal.

Segundo se declarou, o rei non ten bens inmobiliarios nin cartos no estranxeiro. No mesmo comunicado tamén se informa de que o rei presenta cada ano a declaración da renda e do patrimonio asistido pola Axencia Tributaria.

A orixe débese principalmente ás retribucións percibidas do Estado nos últimos 25 anos como príncipe de Asturias e como rei.

Fontes da Zarzuela aseguran que esta decisión de Filipe VI non afecta a raíña Letizia ao considerar que non ten "responsabilidades constitucionais" e que o xefe do Estado é o rei. Tamén desligaron esta decisión da situación persoal e xudicial do rei Xoán Carlos e insisten en que o obxectivo é "reforzar a confianza na Coroa e no rei".

A Casa Real informou da decisión o Goberno, o PP e outros grupos, excepto BNG, ERC, Junts, Bildu e a CUP por seren formacións "que están en contra da Constitución do 1978".

O Goberno aprobará un decreto que reforma a estrutura da Casa Real

O Consello de Ministro ten previsto aprobar este martes un real decreto que reforma a estrutura e o funcionamento da Casa Real co obxectivo de reforzar a súa transparencia. Prevese así aumentar "a transparencia, a rendición de contas, a eficiencia e a exemplaridade" nesta.

Publicidade
Publicidade
Publicidade