O aumento de contaxios reabre o debate sobre o uso da máscara no exterior
O medo a non respectar a distancia favorece o uso do tapabocas
A suba da incidencia da COVID en Galicia volve reabrir o debate sobre o uso da máscara en exteriores. A OMS recomenda non quitala a menos que poidamos garantir unha separación dun metro; algo que en ocasións é difícil controlar.
Pulsamos en Vigo a opinión sobre esta medida de protección. En exteriores e con achegados, o uso vaise relaxando, pero moi amodo. Para algunhas persoas, a máscara na rúa é máis contraproducente que beneficiosa.
A gran maioría ten a lección ben aprendida e coñece as recomendacións da Organización Mundial da Saúde. Por iso é frecuente andar a subir e baixar a máscara segundo as circunstancias.
Tamén habería que falar moito do xeito de levala: polo queixo, no pulso ou no pescozo cunha cinta ou colar. Un complemento que leva con nós un eterno ano e medio.
