Publicador de contidos

Publicador de contidos

O Manresa gaña en Lugo cunha canastra no último segundo (81-82)

O Manresa gaña en Lugo cunha canastra no último segundo (81-82)

Partido moi igualado que gañou o equipo que máis poñía en xogo

Sétima derrota consecutiva do equipo de Mrsic

G24.gal 14/05/2023 14:36

O Breogán non puido despedirse de bo xeito da súa afección. Perdeu diante do Manresa cunha canastra a dous segundos do remate (81-82) e cae por sétima xornada consecutiva. 

O seu rival poñía moito máis en xogo, nin máis nin menos que a permanencia. O primeiro cuarto resultou moi igualado con constantes alternativas á fronte do marcador (19-22) e con Sergi Quintela achegando 6 puntos. 

No segundo cuarto mantívose a igualdade (31-31) ata que o Breogán encadeou un parcial de 9-0 que lle permitiu irse ao descanso por diante (42-36). Hollatz dirixía con mestría con Momirov e Nenadic de executores.

O partido volveu a igualarse no terceiro cuarto con constantes empates no marcador e todo por decidir no último cuarto. Un mate de Happ a seis minutos do final (72-64) volvía a poñer a Breogán cunha boa marxe pero o Manresa nunca baixou os brazos e conseguiu empatar a 1:43 do final (76-76). Os últimos segundos foron un cara ou cruz que caeron do lado visitante cunha canastra de Robinson cando só quedaban dous segundos para o final. 

Publicidade
Publicidade
Publicidade
Publicidade
Pódeche interesar