O keniano Sebastian Sawe pulveriza o record do maratón e baixa das dúas horas (1h59'30")

Queden con ese crono histórico: 1hora 59 minutos e 30 segundos é o tempo co que se bateu a marca do mundo nun maratón oficial. Logrouse no de Londres grazas ás pernas do keniano Sabastian Sawe.

Era unha barreira case simbólica, rebaixar as dúas horas. Sawe quitoulle tempo ó tempo e pulverizou a marca que lograra en Chicago hai tres anos o seu compatriota Kelvin Kiptum cun tempo de dúas horas e 35 segundos. Sawe promediou un ritmo de dous minutos e 49 segundos por quilómetro. E con eses números pasará a historia do atletismo.